Xornada de trabayu

La xornada de trabayu o xornada llaboral ta formada pol númberu d'hores que'l trabayador ta obligáu a trabayar efeutivamente. Tien d'estremase del conceutu de "horariu de trabayu", la xornada representa'l "númberu d'hores que'l trabayador tien d'emprestar el so serviciu", ente que el "horariu" afita la hora d'entrada y la salida. Ente horariu y xornada prevalez la xornada, yá que el salariu qu'afita'l contratu vien determináu pol númberu d'hores que se trabaya.^[1][2]

Si l'horariu establecíu torgara que pudiera realizase la xornada completa, l'empresariu va poder imponer el cumplimientu íntegru de la xornada.^[1]

En términos xenerales, les hores de trabayu habituales de los países de tol mundu tán en redol a 40 a 48 hores per selmana, sicasí, esta situación nun se da perdayuri habiendo notables disparidades al respeutu: dende les 35 hores per selmana en Francia,^[3] hasta les 112 hores per selmana nos campos de trabayos forzaos de Corea del Norte.^[4]

1. ↑ ^{1,0 1,1} Juan Martínez Moya (5 de payares de 2014). «La xornada: escontra una delimitación conceptual». El tiempu de trabayu: una visión jurisprudencial.
2. ↑ Bodes Martín, Ricardo (2002). La xornada llaboral, páx. 12. ISBN 9788481559842.
3. ↑ «French labour laws: Working time and leave» (inglés). Expatica.com. Consultáu'l 14 de xunetu de 2014.
4. ↑ Ryall, Julian (5 de setiembre de 2013). «Up to 20,000 North Korean prison camp inmates have 'disappeared' says human rights group». The Daily Telegraph (Londres). http://www.telegraph.co.uk/news/worldnews/asia/northkorea/10288945/Up-to-20000-North-Korean-prison-camp-inmates-have-disappeared-says-human-rights-group.html.